ONGC Apprentice Recruitment 2026: तेल आणि नैसर्गिक वायू महामंडळ म्हणजेच ONGC मध्ये नोकरीची संधी शोधणाऱ्या तरुणांसाठी एक आनंदाची बातमी आहे. ONGC मार्फत अप्रेंटिस पदांच्या एकूण ३,०४७ जागांसाठी भरती जाहीर करण्यात आली आहे. या भरतीसाठी अधिकृत जाहिरात प्रसिद्ध झाली असून पात्र आणि इच्छुक उमेदवारांकडून ऑनलाइन पद्धतीने अर्ज मागवण्यात येत आहेत. विशेष म्हणजे १०वी, १२वी, आयटीआय, डिप्लोमा आणि पदवी पूर्ण केलेल्या उमेदवारांना त्यांच्या शैक्षणिक पात्रतेनुसार या भरतीमध्ये सहभागी होता येणार आहे. त्यामुळे सरकारी क्षेत्रातील मोठ्या संस्थेत कामाचा अनुभव घेण्याची इच्छा असणाऱ्या तरुणांसाठी ही चांगली संधी आहे.
ONGC कडून प्रसिद्ध करण्यात आलेल्या जाहिरातीचा क्रमांक ONGC/APPR/1/2026 असा आहे. या भरतीमध्ये अप्रेंटिस पदांच्या एकूण ३,०४७ जागा भरण्यात येणार आहेत. निवड झालेल्या उमेदवारांना १२ महिने म्हणजेच एक वर्षाच्या कालावधीसाठी प्रशिक्षण दिले जाणार आहे. ही भरती नियमित कायमस्वरूपी नोकरीसाठी नसून अप्रेंटिस प्रशिक्षणासाठी आहे.
या भरतीमध्ये देशातील वेगवेगळ्या विभागांसाठी जागा उपलब्ध करून देण्यात आल्या आहेत. त्यामध्ये वेस्टर्न सेक्टरमध्ये १,१६६ जागा, ईस्टर्न सेक्टरमध्ये ६७४ जागा, मुंबई सेक्टरमध्ये ४८२ जागा, साउदर्न सेक्टरमध्ये २६९ जागा, सेंट्रल सेक्टरमध्ये २६७ जागा आणि नॉर्दर्न सेक्टरमध्ये १९१ जागांचा समावेश आहे. उमेदवारांनी अर्ज करण्यापूर्वी संबंधित विभागातील उपलब्ध जागा आणि पात्रतेची माहिती अधिकृत जाहिरातीत तपासून घ्यावी.
या भरतीसाठी शैक्षणिक पात्रता पदाच्या प्रकारानुसार वेगवेगळी ठेवण्यात आली आहे. ट्रेड अप्रेंटिस पदांसाठी उमेदवार १०वी किंवा १२वी उत्तीर्ण असणे आवश्यक आहे. काही ट्रेडसाठी संबंधित विषयातील आयटीआय प्रमाणपत्र आवश्यक आहे. डिप्लोमा अप्रेंटिस पदांसाठी संबंधित अभियांत्रिकी शाखेतील तीन वर्षांचा डिप्लोमा पूर्ण केलेला असावा. तर ग्रॅज्युएट अप्रेंटिस पदांसाठी बी.ए., बी.कॉम., बी.एस्सी., बी.बी.ए., बी.ई. किंवा बी.टेक. यांसारख्या संबंधित शाखेतील पदवी आवश्यक आहे. त्यामुळे उमेदवारांनी आपल्या शिक्षणानुसार योग्य पदाची निवड करावी.
Read Also: मुंबई मेट्रो रेल कॉर्पोरेशन अंतर्गत विविध पदांसाठी भरती सुरू!
या भरतीसाठी उमेदवारांचे वय २९ नोव्हेंबर २०२६ रोजी किमान १८ वर्षे आणि कमाल २४ वर्षे असणे आवश्यक आहे. म्हणजेच उमेदवाराचा जन्म २९ नोव्हेंबर २००२ ते २९ नोव्हेंबर २००८ या कालावधीत झालेला असावा. शासनाच्या नियमानुसार राखीव प्रवर्गातील उमेदवारांना वयोमर्यादेत सवलत देण्यात येणार आहे. अनुसूचित जाती आणि अनुसूचित जमातीतील उमेदवारांना ५ वर्षे, ओबीसी (नॉन-क्रीमी लेयर) प्रवर्गातील उमेदवारांना ३ वर्षे, तर दिव्यांग उमेदवारांना त्यांच्या प्रवर्गानुसार १० ते १५ वर्षांपर्यंत वयोमर्यादेत सूट मिळू शकते.
ONGC अप्रेंटिस भरतीमध्ये निवड झालेल्या उमेदवारांना प्रशिक्षणाच्या काळात दरमहा मानधन दिले जाणार आहे. ग्रॅज्युएट अप्रेंटिस उमेदवारांना दरमहा १२,३०० रुपये, तर डिप्लोमा अप्रेंटिस उमेदवारांना १०,९०० रुपये मानधन मिळणार आहे. दोन वर्षांचा आयटीआय पूर्ण केलेल्या ट्रेड अप्रेंटिस उमेदवारांना दरमहा १०,५६० रुपये दिले जाणार आहेत. तसेच एक वर्षाचा आयटीआय किंवा १०वी आणि १२वीच्या पात्रतेनुसार निवड झालेल्या ट्रेड अप्रेंटिस उमेदवारांना दरमहा ८,२०० ते ९,६०० रुपयांपर्यंत मानधन मिळणार आहे.
या भरतीसाठी ऑनलाइन अर्ज प्रक्रिया २९ ऑक्टोबर २०२६ पासून सुरू झाली असून अर्ज करण्याची शेवटची तारीख २० नोव्हेंबर २०२६ आहे. त्यामुळे इच्छुक उमेदवारांनी शेवटच्या दिवसाची वाट न पाहता वेळेत अर्ज पूर्ण करावा. दिलेल्या वेळापत्रकानुसार निवड यादी किंवा निकाल १५ डिसेंबर २०२६ रोजी जाहीर होण्याची शक्यता आहे.
Read Also: बँक ऑफ बडोदा मध्ये नोकरीची संधी! नवीन जाहिरात प्रसिद्ध
या भरतीसाठी अर्ज करण्याची प्रक्रिया पूर्णपणे ऑनलाइन आहे. उमेदवारांनी आपल्या पदाच्या प्रकारानुसार NAPS किंवा NATS पोर्टलवर नोंदणी करणे आवश्यक आहे. ट्रेड अप्रेंटिस पदांसाठी NAPS पोर्टल आणि पदवी किंवा डिप्लोमा अप्रेंटिस पदांसाठी NATS पोर्टल वापरता येईल. उमेदवारांनी संबंधित पोर्टलवर आवश्यक माहिती भरून नोंदणी करावी आणि अधिकृत जाहिरातीत दिलेल्या सूचनांनुसार अर्ज प्रक्रिया पूर्ण करावी.
अर्ज करताना उमेदवारांनी आपली वैयक्तिक माहिती, शैक्षणिक पात्रता आणि आवश्यक कागदपत्रांची माहिती काळजीपूर्वक भरावी. अर्जामध्ये चुकीची माहिती भरली गेल्यास पुढील प्रक्रियेत अडचणी येऊ शकतात. त्यामुळे अर्ज अंतिम करण्यापूर्वी सर्व तपशील व्यवस्थित तपासून घेणे महत्त्वाचे आहे.
या भरतीचा ऑनलाईन अर्ज (Graduate Apprentice,Diploma Apprentice), ऑनलाइन अर्ज (Trade Apprentice) करण्यापूर्वी उमेद भरतीची अधिकृत जाहिरात सविस्तर वाचावी. सर्व सूचना लक्षात घेऊनच अर्ज प्रक्रिया पूर्ण करावी. या भरती संबंधित अधिक माहितीसाठी MMRCL यांच्या अधिकृत संकेतस्थळावर भेट द्यावी.
