पिंपरी चिंचवड महानगरपालिका (PCMC) मार्फत ‘अप्रेंटिस’ (शिकाऊ उमेदवार) या संवर्गातील विविध पदांसाठी मोठी भरती जाहीर करण्यात आली असून, इच्छुक आणि पात्र उमेदवारांसाठी ही एक उत्तम संधी आहे. या भरती अंतर्गत एकूण ४०७ रिक्त जागा उपलब्ध असून, संबंधित ट्रेडमध्ये ITI उत्तीर्ण उमेदवार या पदांसाठी अर्ज करू शकतात.
ही भरती पुणे येथे होणार असून, अर्ज प्रक्रिया पूर्णपणे ऑनलाइन पद्धतीने पार पडणार आहे. अर्ज करण्यासाठी अधिकृत प्रक्रिया २७ एप्रिल २०२६ पासून सुरू होणार असून, इच्छुक उमेदवारांनी ०६ मे २०२६ या अंतिम मुदतीपूर्वी आपला अर्ज सादर करणे आवश्यक आहे.
या भरतीसंदर्भातील सविस्तर माहिती आणि अधिकृत जाहिरात https://www.pcmcindia.gov.in/ या संकेतस्थळांवर उपलब्ध करून देण्यात येणार आहे. उमेदवारांनी अर्ज करताना NAPS पोर्टलवर उपलब्ध करण्यात आलेल्या ‘Opportunity’ द्वारेच अर्ज करावा, अन्य कोणत्याही माध्यमातून (पोस्ट, ई-मेल किंवा प्रत्यक्ष) पाठवलेले अर्ज स्वीकारले जाणार नाहीत. तसेच, अंतिम मुदतीनंतर प्राप्त झालेल्या अर्जांचा कोणताही विचार केला जाणार नाही, याची उमेदवारांनी नोंद घ्यावी.
हे पण वाचा » RCFL मुंबईत १८८ पदांची मोठी भरती; ६०,००० पर्यंत मिळणार पगार!
या भरतीद्वारे ‘प्रशिक्षणार्थी’ पदासाठी उमेदवारांची निवड केली जाणार असून, ही संधी विशेषतः तांत्रिक शिक्षण घेतलेल्या तरुणांसाठी उपयुक्त ठरणार आहे. त्यामुळे इच्छुकांनी वेळ न दवडता आवश्यक कागदपत्रांसह आपला अर्ज लवकरात लवकर पूर्ण करावा.
सदर भरतीसाठी उमेदवारांनी www.apprenticeshipindia.gov.in (NAPS Portal) या संकेतस्थळावरून ऑनलाइन अर्ज करणे बंधनकारक आहे. अर्ज स्वीकृती कालावधी २७ एप्रिल २०२६ ते ०६ मे २०२६ पर्यंत राहणार आहे. या भरतीचा ऑनलाईन अर्ज करण्यापूर्वी उमेदवारांनी अधिकृत जाहिरात https://drive.google.com/ सविस्तर वाचावी.