कर्मचारी निवड आयोग मार्फत विविध पदांची मोठी भरती; पदवीधरांना संधी!

SSC CPO Bharti 2026: सरकारी नोकरीच्या शोधात असलेल्या आणि पोलीस दलात अधिकारी म्हणून करिअर करण्याची इच्छा असलेल्या उमेदवारांसाठी एक महत्त्वाची संधी उपलब्ध झाली आहे. कर्मचारी निवड आयोग अर्थात SSC ने दिल्ली पोलीस आणि केंद्रीय सशस्त्र पोलीस दलांमध्ये (CAPFs) सब-इन्स्पेक्टर पदांच्या भरतीसाठी अधिसूचना प्रसिद्ध केली आहे. त्यामुळे पात्र उमेदवारांना या भरतीसाठी ऑनलाइन अर्ज करता येणार आहे.

या भरतीमध्ये सब-इन्स्पेक्टर (GD) – CAPFs, सब-इन्स्पेक्टर (Executive) – दिल्ली पोलीस तसेच CISF मधील सब-इन्स्पेक्टर (Fire) या पदांचा समावेश आहे. दिल्ली पोलीस आणि CAPFs मध्ये अधिकारी म्हणून काम करण्याची इच्छा असणाऱ्या उमेदवारांसाठी ही भरती विशेष महत्त्वाची आहे.

पदाचे नाव आणि वेतन

या पदांसाठी पे-लेव्हल ६ नुसार वेतन दिले जाणार असून वेतनश्रेणी ₹३५,४०० ते ₹१,१२,४०० इतकी आहे.

शैक्षणिक पात्रता

दिल्ली पोलीस आणि CAPFs मधील सब-इन्स्पेक्टर पदांसाठी उमेदवाराकडे मान्यताप्राप्त विद्यापीठाची कोणत्याही शाखेतील पदवी असणे आवश्यक आहे. ही शैक्षणिक पात्रता ३० सप्टेंबर २०२६ रोजी पूर्ण झालेली असावी.

CISF मधील सब-इन्स्पेक्टर (Fire) पदासाठी मात्र विशेष शैक्षणिक पात्रता आवश्यक आहे. उमेदवाराकडे भौतिकशास्त्र, रसायनशास्त्र आणि गणित या विषयांसह विज्ञान शाखेतील पदवी असणे आवश्यक आहे. याशिवाय मेकॅनिकल, सिव्हिल किंवा इलेक्ट्रिकल यांसारख्या संबंधित शाखेतील तीन वर्षांचा अभियांत्रिकी डिप्लोमा असलेले उमेदवारही पात्र ठरू शकतात.

दिल्ली पोलीसमधील पुरुष सब-इन्स्पेक्टर पदासाठी उमेदवाराकडे शारीरिक चाचणीच्या वेळी मोटारसायकल आणि कार चालविण्यासाठी वैध LMV ड्रायव्हिंग लायसन्स असणे अनिवार्य आहे.

वयोमर्यादा

बहुतांश पदांसाठी उमेदवाराचे वय १ ऑगस्ट २०२६ रोजी २० ते २५ वर्षांच्या दरम्यान असणे आवश्यक आहे. त्यानुसार उमेदवाराचा जन्म २ ऑगस्ट २००१ पूर्वी आणि १ ऑगस्ट २००६ नंतर झालेला नसावा.

CISF मधील सब-इन्स्पेक्टर (Fire) पदासाठी वयोमर्यादा १८ ते ३० वर्षे आहे. या पदासाठी उमेदवाराचा जन्म २ ऑगस्ट १९९६ पूर्वी आणि १ ऑगस्ट २००८ नंतर झालेला नसावा.

आरक्षित प्रवर्गातील उमेदवारांना नियमानुसार वयोमर्यादेत सवलत मिळणार आहे. SC आणि ST उमेदवारांना ५ वर्षे, तर OBC उमेदवारांना ३ वर्षांची सवलत देण्यात येईल.

अर्ज शुल्क

या भरतीसाठी सामान्य आणि OBC प्रवर्गातील उमेदवारांना ₹१०० अर्ज शुल्क भरावे लागेल. मात्र महिला, SC, ST आणि माजी सैनिक (ESM) उमेदवारांना अर्ज शुल्कातून सूट देण्यात आली आहे.

निवड प्रक्रिया

SSC CPO भरतीमध्ये उमेदवारांची निवड एकाच परीक्षेवर आधारित नसून विविध टप्प्यांमधून केली जाणार आहे. सुरुवातीला संगणक आधारित परीक्षा (Paper-I) घेण्यात येईल. त्यानंतर पात्र उमेदवारांची शारीरिक मानके चाचणी आणि शारीरिक कार्यक्षमता चाचणी (PST/PET) होईल. पुढील टप्प्यात Paper-II आणि त्यानंतर वैद्यकीय तपासणी (DME) केली जाईल.

महत्त्वाच्या तारखा

महाराष्ट्रातील परीक्षा केंद्रे

महाराष्ट्रातील उमेदवारांसाठी या परीक्षेची केंद्रे अमरावती, छत्रपती संभाजीनगर, मुंबई, नागपूर, नांदेड, नाशिक, पुणे आणि जळगाव येथे उपलब्ध आहेत. अर्ज भरताना उमेदवारांना उपलब्ध पर्यायांमधून परीक्षा केंद्राची निवड करता येईल.

SSC CPO भरतीसाठी अर्ज कसा करावा?

या भरतीसाठी उमेदवारांनी SSC च्या अधिकृत संकेतस्थळावर जाऊन प्रथम One-Time Registration (OTR) पूर्ण करणे आवश्यक आहे. त्यानंतर ऑनलाइन अर्ज भरून आवश्यक माहिती सादर करावी. अर्ज प्रक्रियेदरम्यान उमेदवाराचा थेट फोटो (Live Image) कॅप्चर केला जाणार आहे.

त्यामुळे पात्र उमेदवारांनी अर्ज करण्यापूर्वी अधिकृत अधिसूचना काळजीपूर्वक वाचून शैक्षणिक पात्रता, वय, शारीरिक निकष आणि इतर अटी तपासाव्यात. अर्जाची अंतिम तारीख ३० सप्टेंबर २०२६ असल्याने शेवटच्या दिवसाची वाट न पाहता शक्य तितक्या लवकर अर्ज करणे योग्य ठरेल

अधिकृत जाहिरात: https://drive.google.com/
ऑनलाइन अर्ज: https://ssc.gov.in/login