महिलांना मिळणार मोफत पीठाची गिरणी; असा करा अर्ज..! | Mofat Pithachi Girni Yojana 2025

या योजनेअंतर्गत लाभार्थी महिलांना शासन अनुदानावर मोफत पीठ गिरणी उपलब्ध करून दिली जाते. या गिरणीमुळे महिला घरच्या घरी स्वतःचा छोटा व्यवसाय सुरू करू शकतात. आर्थिक दृष्ट्या दुर्बल तसेच ग्रामीण भागातील महिलांसाठी ही योजना महत्वपूर्ण ठरत आहे. या योजनेअंतर्गत राज्य शासनाकडून गिरणी खरेदीसाठी 90 टक्के अनुदान दिले जाते. उर्वरित 10 टक्के रक्कम महिलांना स्वतः भरावी लागते.

या योजनेचा लाभ विशेषतः ग्रामीण भागातील महिला, अनुसूचित जाती, अनुसूचित जमातीतील महिलांना दिला जातो. या व्यवसायातून अगदी छोट्या गुंतवणुकीतून महिलांना उत्पन्नाची संधी मिळते आणि त्या स्वतःच्या पायावर उभा राहू शकतात.

पीठ गिरणी व्यवसायाचे फायदे

धान्य दळणे ही ग्रामीण भागातील लोकांची मुख्य गरज मानली जाते. त्यामुळे पीठ गिरणीचा व्यवसाय हा कायमस्वरूपी चालणारा आणि ठराविक उत्पन्न देणारा आहे. हा व्यवसाय सुरू करण्यासाठी मोठ्या भांडवलाची आवश्यकता नसते. अगदी कमी खर्चात आणि छोट्या जागेत देखील हा व्यवसाय सुरू केला जाऊ शकतो.

या व्यवसायासाठी कोणतेही तांत्रिक ज्ञान आणि प्रशिक्षण गरजेचे नसल्यामुळे कोणतीही व्यक्ती सहजपणे हा व्यवसाय सुरू करू शकते. या व्यवसायासाठी सरकारकडून अनुदान मिळत असल्याने आर्थिक भांडवल देखील कमी लागते. याच पार्श्वभूमीवर महाराष्ट्र राज्य सरकारने महिलांना मोफत पीठ गिरणी उपलब्ध करून देण्यासाठी योजना सुरू केली आहे.

मोफत पीठ गिरणी योजनेची उद्दिष्टे

महिलांचे आर्थिक सक्षमीकरण करणे हा या योजनेचा प्रमुख हेतू आहे. महिलांना आत्मनिर्भर बनवून त्यांना स्वतःच्या पायावर उभे राहण्यासाठी या योजनेद्वारे प्रोत्साहन दिले जाते. ग्रामीण भागातील स्थानिक अर्थव्यवस्थेला चालना देणे हा देखील योजनेचा प्रमुख उद्देश आहे. महिलांना अर्थसाहाय्य पुरवून घरच्या घरी उद्योग सुरू करण्यासाठी मदत करणे, त्यातून रोजगाराच्या नवनवीन संधी निर्माण करणे आणि एक मजबूत आर्थिक साखळी निर्माण करणे हा देखील या योजनेचा उद्देश आहे.

अनुसूचित जाती, जमातीतील महिलांना समाजाच्या मुख्य प्रवाहात आणणे आणि त्यांना व्यवसायाच्या समान संधी उपलब्ध करून देणे. ज्यामुळे कोणताही सामाजिक भेदभाव राहणार नाही, हा सुद्धा या योजनेचा उद्देश आहे. महिलांनी सुरू केलेल्या व्यवसायातून मिळणाऱ्या उत्पन्नामुळे त्यांच्या कुटुंबाच्या एकूण उत्पन्नात भर पडेल आणि त्यांच्या जीवनमानात सुधारणा होईल. त्याचबरोबर, कुटुंबाची आर्थिक स्थिती देखील मजबूत होण्यास मदत होईल.

हे पण वाचा » लाडक्या बहिणींना जून महिन्याचे १५०० रुपये ‘या’ दिवशी खात्यात जमा होणार!

योजनेची आवश्यक पात्रता आणि अटी:

या योजनेसाठी अर्ज करणारी महिला अर्जदार ही महाराष्ट्र राज्याची स्थायी रहिवासी असणे आवश्यक आहे. अर्जदाराचे वय किमान १८ वर्षे ते कमाल ६० वर्षांच्या दरम्यान असावे. अर्जदार महिला अनुसूचित जाती किंवा अनुसूचित जमातीच्या प्रवर्गातील असावी. तिच्या कुटुंबाचे एकत्रित वार्षिक उत्पन्न हे १ लाख 20 हजारांपेक्षा कमी असावे. ग्रामीण भागातील महिलांना या योजनेत प्राधान्य दिले जाईल. अर्जदार महिलेच्या नावावर तिचे स्वतःचे बँक खाते असणे आवश्यक आहे.

आवश्यक कागदपत्रे

Manish Mule

माझे नाव मनीष मुळे आहे. मी एक कंटेंट रायटर आहे आणि मागील 4 वर्षांपासून नोकरी, सरकारी योजना, इत्यादी महत्वाच्या विषयांवर ब्लॉग आर्टिकल लिहितो. आता मी kolgaonlive24.in या वेबसाइट साठी डिजिटल कंटेंट प्रोड्यूसर म्हणून काम करतो आहे.