IBPS CRP Clerk Bharti 2026: बँकिंग क्षेत्रात सरकारी नोकरीची तयारी करणाऱ्या उमेदवारांसाठी आनंदाची बातमी आहे. इन्स्टिट्यूट ऑफ बँकिंग पर्सोनेल सिलेक्शन (IBPS) मार्फत CRP Clerk (Customer Service Associate – Clerk) भरती 2026 ची अधिकृत अधिसूचना प्रसिद्ध करण्यात आली आहे. या भरतीअंतर्गत देशभरातील विविध सार्वजनिक क्षेत्रातील बँकांमध्ये एकूण 11,403 रिक्त पदे भरली जाणार आहेत. इच्छुक आणि पात्र उमेदवारांना 1 ऑगस्ट 2026 पासून ऑनलाइन अर्ज करता येणार असून अर्ज करण्याची अंतिम तारीख 21 ऑगस्ट 2026 आहे.
IBPS CRP Clerk Bharti 2026
या भरतीमध्ये संपूर्ण भारतभर नोकरीची संधी उपलब्ध असून महाराष्ट्रातील उमेदवारांसाठीही मोठी संधी आहे. राज्यनिहाय रिक्त पदांमध्ये महाराष्ट्रासाठी 1,051 पदे उपलब्ध आहेत. याशिवाय उत्तर प्रदेशमध्ये सर्वाधिक 1,731, कर्नाटकमध्ये 1,414, तर पश्चिम बंगालमध्ये 946 पदांची भरती करण्यात येणार आहे. त्यामुळे अर्ज करण्यापूर्वी उमेदवारांनी राज्यनिहाय रिक्त पदांची माहिती तपासून अर्ज करावा.
IBPS CRP Clerk Recruitment 2026
IBPS ने 31 जुलै 2026 रोजी CRP RRBs-XIV Reserve List 2026 देखील जाहीर केली आहे. मुख्य निकालात बँक वाटप न झालेल्या पात्र उमेदवारांना या राखीव यादीद्वारे पुन्हा एकदा संधी देण्यात आली आहे. उमेदवारांना त्यांच्या Registration Number किंवा Roll Number तसेच Password किंवा जन्मतारीख वापरून अधिकृत संकेतस्थळावर लॉगिन करून तात्पुरत्या बँक वाटपाची (Provisional Allotment) स्थिती तपासता येईल. ही प्रक्रिया कागदपत्र पडताळणी व पात्रता पडताळणीच्या अधीन असेल.
Read Also: ठाणे महानगरपालिकेत विविध पदांची भरती; 7 ऑगस्टपर्यंत अर्ज करा
IBPS Clerk Bharti 2026 Vacancy
या भरती प्रक्रियेमध्ये Customer Service Associate (Clerk) म्हणजेच लिपिक पदासाठी अर्ज मागविण्यात आले आहेत. उमेदवाराने कोणत्याही मान्यताप्राप्त विद्यापीठातून पदवी (Graduate) उत्तीर्ण केलेली असणे आवश्यक आहे. निवड झालेल्या उमेदवारांना भारतातील विविध राज्यांमध्ये नियुक्ती दिली जाईल. या पदासाठी आकर्षक वेतनश्रेणी देण्यात आली असून सुरुवातीचे वेतन ₹24,050 पासून सुरू होऊन सेवाकालानुसार ₹64,480 पर्यंत वाढू शकते.
IBPS क्लर्क भरती अर्ज शुल्क
अर्ज प्रक्रिया पूर्णपणे ऑनलाइन पद्धतीने पार पडणार आहे. सर्वसाधारण, ओबीसी आणि ईडब्ल्यूएस प्रवर्गातील उमेदवारांसाठी अर्ज शुल्क ₹850 आहे, तर एससी, एसटी, दिव्यांग, माजी सैनिक (ESM/DESM) प्रवर्गासाठी अर्ज शुल्क ₹175 निश्चित करण्यात आले आहे.
Read Also: सरकारी विमा क्षेत्रात 500 पदांची भरती; 62,265/- पर्यंत मिळेल पगार!
IBPS CRP Clerk Bharti participate banks
या भरतीमध्ये देशातील अनेक प्रमुख सार्वजनिक क्षेत्रातील बँकांचा समावेश करण्यात आला आहे. त्यामध्ये Bank of India, Bank of Maharashtra, Bank of Baroda, Canara Bank, Central Bank of India, Indian Bank, Indian Overseas Bank, Punjab National Bank, Punjab & Sind Bank, Union Bank of India आणि UCO Bank यांसारख्या बँकांचा समावेश आहे.
IBPS Clerk भरतीच्या महत्वाच्या तारखा:
भरती प्रक्रियेचे महत्त्वाचे वेळापत्रकही जाहीर करण्यात आले आहे. अधिसूचना 27 जुलै 2026 रोजी प्रसिद्ध झाली असून ऑनलाइन अर्ज प्रक्रिया 1 ऑगस्ट ते 21 ऑगस्ट 2026 दरम्यान सुरू राहणार आहे. प्राथमिक परीक्षा 10 व 11 ऑक्टोबर 2026 रोजी होणार असून मुख्य परीक्षा 27 डिसेंबर 2026 रोजी आयोजित करण्यात येणार आहे.
Read Also: जिल्हा न्यायालय, बीड येथे सरकारी नोकरीची संधी; 47,600/- पर्यंत मिळेल पगार!
IBPS CRP Clerk Bharti 2026 details
भरती संस्था: इन्स्टिट्यूट ऑफ बँकिंग पर्सोनेल सिलेक्शन (IBPS)
पदाचे नाव: Customer Service Associate (Clerk) / लिपिक
एकूण पदसंख्या: 11,403 (महाराष्ट्र – 1,051)
शैक्षणिक पात्रता: कोणत्याही शाखेतील पदवीधर
नोकरीचे ठिकाण: संपूर्ण भारत
अर्ज पद्धत: ऑनलाइन
अर्ज सुरू होण्याची तारीख: 1 ऑगस्ट 2026
अर्ज करण्याची अंतिम तारीख: 21 ऑगस्ट 2026
प्राथमिक परीक्षा: 10 व 11 ऑक्टोबर 2026
मुख्य परीक्षा: 27 डिसेंबर 2026
वेतनश्रेणी: ₹24,050 ते ₹64,480 (नियमानुसार वाढीसह)
अधिकृत संकेतस्थळ: https://www.ibps.in/
ऑनलाइन अर्ज लिंक: https://ibpsreg.ibps.in/crpcsaxvjl25/
PDF जाहिरात: https://drive.google.com/
सरकारी बँकांमध्ये नोकरी मिळवू इच्छिणाऱ्या उमेदवारांसाठी ही भरती अत्यंत महत्त्वाची आहे. पात्र उमेदवारांनी अंतिम तारखेची वाट न पाहता आवश्यक कागदपत्रे तयार ठेवून वेळेत ऑनलाइन अर्ज करावा. तसेच अर्ज करण्यापूर्वी अधिकृत जाहिरात काळजीपूर्वक वाचून सर्व अटी व पात्रता निकष तपासावेत.