विलासराव देशमुख शासकीय वैद्यकीय महाविद्यालय, लातूर येथे गट-ड पदांची भरती

GMC Latur Bharti 2026: महाराष्ट्र शासनाच्या वैद्यकीय शिक्षण व औषधी द्रव्ये विभागाच्या अंतर्गत लातूर येथील विलासराव देशमुख शासकीय वैद्यकीय महाविद्यालय व रुग्णालय येथे विविध रिक्त पदांसाठी भरती जाहीर करण्यात आली आहे. या भरती प्रक्रियेद्वारे गट ड अर्थात चतुर्थ श्रेणी संवर्गातील पदे सरळसेवेने भरण्यात येणार असून, पात्र उमेदवारांकडून ऑनलाइन अर्ज मागविण्यात येत आहेत.

GMC Latur Bharti 2026

या भरतीमध्ये कक्षसेवक, बाह्यरुग्ण विभाग सेवक, शिपाई, माळी, स्वयंपाकी, क्ष-किरण सेवक, प्रयोगशाळा परिचर, रक्तपेढी परिचर, अपघात विभाग सेवक, सहाय्यक स्वयंपाकी, पहारेकरी, न्हावी आणि धोबी या पदांचा समावेश आहे. संबंधित पदांनुसार एस-१ ते एस-३ या वेतनश्रेणी लागू करण्यात येणार असून, काही पदांसाठी १५,००० ते ४७,६०० रुपये, तर काही पदांसाठी १६,६०० ते ५२,४०० रुपये अशी वेतनश्रेणी आहे.

उमेदवारांची वयोमर्यादा, शैक्षणिक पात्रता, सामाजिक व समांतर आरक्षण, तसेच पदनिहाय अभ्यासक्रम याबाबतची सविस्तर माहिती अधिकृत जाहिरातीत देण्यात आली आहे. त्यामुळे अर्ज करण्यापूर्वी उमेदवारांनी अधिकृत जाहिरात काळजीपूर्वक वाचणे आवश्यक आहे.

महत्त्वाच्या तारखा

परीक्षा शुल्क

या भरतीसाठी खुल्या प्रवर्गातील उमेदवारांना १,००० रुपये, तर राखीव प्रवर्गातील उमेदवारांना ९०० रुपये परीक्षा शुल्क भरावे लागणार आहे. माजी सैनिक उमेदवारांसाठी परीक्षा शुल्क पूर्णपणे माफ करण्यात आले आहे.

Read Also: मुंबईत महिलांना सरकारी नोकरीची संधी!

महत्त्वाची सूचना

भरती प्रक्रियेदरम्यान पदांची संख्या किंवा आरक्षणामध्ये बदल करण्याचा तसेच पदांची संख्या कमी-जास्त करण्याचा अधिकार अधिष्ठाता कार्यालयाने राखून ठेवला आहे. तसेच आवश्यकतेनुसार भरती प्रक्रिया स्थगित किंवा रद्द केली जाऊ शकते. अशा परिस्थितीत उमेदवारांनी भरलेले परीक्षा शुल्क परत केले जाणार नाही, याची उमेदवारांनी नोंद घ्यावी.

लातूर येथील विलासराव देशमुख शासकीय वैद्यकीय महाविद्यालय व रुग्णालयातील या भरतीसाठी इच्छुक आणि पात्र उमेदवारांनी अंतिम मुदतीची वाट न पाहता ऑनलाइन अर्ज प्रक्रिया पूर्ण करावी. भरतीची अधिकृत जाहिरात, पात्रता, आरक्षण, अभ्यासक्रम आणि ऑनलाइन अर्जासाठी उमेदवारांनी महाविद्यालयाच्या अधिकृत संकेतस्थळाला www.vdgmclatur.org भेट द्यावी.